இறைவன் ஒரு தேர்ந்த ரசிகன்

புளிப்பு என்றொரு சுவை- மனிதன் நிர்ணயித்த சுவை,

எனினும்,

புளியில் ஒரு புளிப்பு;

மாங்காயில் ஒரு புளிப்பு;

நெல்லியில் ஒரு புளிப்பு;

எலுமிச்சையில் ஒரு புளிப்பு;

நார்த்தையில் ஒரு புளிப்பு;

திராட்சையில் ஒரு புளிப்பு

என வகையாய்ப் புளிப்பு வைத்து

மஞ்சள் என்றொரு நிறம்- மனிதன் பெயரிட்ட நிறம்

எனினும்,

மஞ்சளில் ஒரு மஞ்சள்;

தேனில் ஒரு மஞ்சள்;

பழங்களில் ஒரு மஞ்சள்;

தங்கம் ஒரு மஞ்சள்;

இளங்காலை மஞ்சள்;

முதிர்ந்த இலையின் மஞ்சள்

என வகையாய் மஞ்சள் வைத்து

ரசித்து ரசித்து உலகைப் படைத்த இறைவன் ஒரு தேர்ந்த ரசிகனே!

எனினும், இத்தனையும் படைத்து மனிதனையும் படைத்தானே?!